A teaghlach, as Doirí Beaga i nGaoth Dobhair í ó dhúchas, bhí seachtar cailín agus cúigear mac ina teaghlach. Cuireadh ar fostú ar an tSeascán Beag í nuair a bhí sí ocht mbliana d’aois, ag buachailleacht eallaigh. Cur síos ar an bhuachailleacht. Bhíodh sí mall i gcónaí ag dul na scoile, ní ligeadh an tseanbhean ar shiúl in am í, nuair a théadh sí na scoile, thugadh an múinteoir sí boiseog di. Bhíodh sí ar fostú ó thús an Earraigh go Samhain. Bhí obair phreátaí agus obair choirce le déanamh acu fosta. Níl a dhath den obair seo ag tarlú anois.
Ina dhiaidh sin bhí sí ag déanamh obair tígh do bhean darbh ainm Kitty Blake, bhí sí ag fáil £1 sa mhí a thugadh sí dona máthair. D’imigh sí amach an Lagáin ansin, fuair siad an bus go Leitir Ceanainn ar dtús, chuaigh sí go Tír Eoghain ar fostú. Insíodh di gur ag amharc i ndiaidh tachrán amháin a bheadh sí ach nuair a chuaigh sí suas, bhí eallach aici le hamharc ina ndiaidh. Cur síos ar an obair seo a bhí le déanamh aici. Bhí conradh sé mhí aici agus fuair sí £13 ar feadh an ama sin. Sa bhliain 1943 a bhí sin. Théadh sí an Aifrinn Dé Domhnaigh, bhí cúig míle le siúl aici, tugadh leath lae di ar shon sin. In seomra le leaba go díreach a bhíodh sí. Bhí obair tígh le déanamh aici agus amharc i ndiaidh an pháiste. Bhí a deirfiúr níos deise don tSráth Bán, obair tígh uilig a bhí aicise, ní raibh obair eallaigh ar bith aici le déanamh. Chuaigh sí ar ais go Leitir Ceanainn i ndiaidh na sé mí agus ó sin chuaigh sí ar fostú ar arís. | 00:09:32 | |